PA German Dialect

Es Neinuhr Schtick

December 5, 2002

Ihr liewe Leit:
Paar Munet zerrick hen mer em Fischer sei "Grabb" Iwwersetzing un em Horne se "Proverbs and Sayings" aussem zwedde Yaahrbuch (1892) vun der Pennsylvaanisch Deitsch Gesellschaft gelese. In dem neemliche Yaahrbuch hette mer aa em Thomas C. Zimmerman (1838-1914) sei Iwwersetzing vum Clement C. Moore seim Gedicht "The Night Before Christmas" lese kenne, awwer nadierlich waar's enwennich zu frieh im Yaahr. Nau iss's Zeit!

'S waar die Nacht vor de Grischdaag
     un darch es gan Haus
Vereegt sich kee Dierli
     net ee Mol en Maus;
Die Schtrimp waare schnack
     im Schannschtee ghanke,
In der Hoffning der "Nick"
     deet graad runnertschumpe:
Die Kinner so schnack 
     waare all schee im Bett,
Vun Zuckerschleck dramme
     un was mer doch wett:
Die Mammi im Schnuppduch
     un ich in der Kaep,
Hen uns yuscht hiegelegt
     fer en lang Windersnaep-
Dann draus in em Hof
     waar so en dunnersi Yacht,
Dass ich uffgschprung bin
     zu sehne waer's macht.
An's Fenschder graad schpring ich
     so schnell wie'n macht
Die Leede uff gerisse,
     uffgschmisse die Saesch!
Der Mond uff der Bruscht
     vum neigfallne Schnee
Macht Helling wie Middaag,
     iwwer alles so schee.
Imme Aageblick kummt yetz,
     un rund wie en Kasch,
En Fuhrmann im Schlidde
     un acht gleene Hasch-
En Mennli im Belse,
     so feindlich un frei-
Hab geradeweck gewisst
     's muss der Belsnickel sei!
Wie Aadler, so schnell
     sin die Haschlin zusamme,
Un er peift un ruuft,
     un er nennt sie bei Naame:
"Yetz Daescher! Yetz Daenser! Yetz Praenser! Yetz Wixen!
     Un Kammet! Un Kupid! Un         Dunner! Un Blitzen!"
An der Bortsch iss er nuff, um die Mauer gfalle-
     "Yetz schpringt eweck! Schpringt eweck!
Schpringt eweck alle!"

Neegscht Wock mache mer weider.

Macht's gut,
Der Alt Professer
Dear people,
A few months ago we read Fischer's translation of "The Raven" and Hornes " Proberbs and Sayings" from the second yearbook (1892) of the Pennsylvania German Society. In that same yearbook we could also have read Thomas C. Zimmerman's (1838-1914) translation of Clement C. Moore's "The Night Before Christmas,: but naturally it was a bit too early in the year. Now it is time!
 


It was the night before Christmas
    and through the whole house

Stirs no little creature,
     not even a mouse;
The stockings were snugly
     hung in the fireplace,
In the hope that "Nick"
     would just jump down
The children so snug
     were all nicely in bed
Dreaming of candy
     and what one would like
Mommy in her kerchief
     and I in my cap,
Have just lain down
     for a long winter's nap
Then outside in the yard
     was such a terrible noise,
That I sprang up
     to see who was making it.
To the window I just run
     as quickly as a flash,
Tore open the shutters, 
     threw up the sash!
The moon on the breast
     of the new-fallen snow
Makes brightness like midday
     over everything so nicely.
In a moment comes now
     and round like a cherry,
A driver in a sleigh
     and eight little deer-
A little man in furs,
     so friendly and free-
I immediately knew
     it must be Santa Claus!
Like eagles, so quickly
     the little deer came together
And he whistles and he calls,
     and he names them with their names:
"Now dasher! now Dancer! Now Prancer! Now Vixen!
     And Comet! And Cupid! And Thunder! And Blitzen!"
At the porch he went up, fell at the wall-
     "Now run away! Run away! Run away, all!"

Next week we will continue.

Take Care,
The Old Professor

Click here for Part 2

Click here to go to PA German Dialect archive page.

Home  |  PA German Culture  |  Current News  |  PA German Dialect
Links of Interest  |  Membership  |  Publications  |  Order Form

The Pennsylvania German Society
Located in the Zimmerman Cabin

at the Pennsylvania German Cultural Heritage Center

22 Luckenbill Road

Ephrata, PA 19522

 

Our mailing address is:

The Pennsylvania German Society

P.O. Box 118
Ephrata, PA 19522
(484) 646-4227
Fax: (484) 646-4228
E-mail:
pgs@kutztown.edu

© Copyright 2005. The Pennsylvania German Society
Site design and hosting by Reading Eagle Company Internet Services

updated 3-15-2007 paf