Ihr liewe Leit:
Wann iss's Friehyaahr endlich mol widder Zerrickkumme? Ferwas iss
des so wichdich zu wisse? Mer warre sehne.
Wann waar der letschde Vollmoond? Ferwas iss sell so wichdich zu
wisse? Mer warre sehne.
Letscht Yaahr iss Friehyaahr am zwanichschde Matz reikumme. Der neegscht
Vollmoond waar graad acht Daag schpeeder, am achtunzwansichschde Matz, un der
neegscht Sunndaag nochem Volmoond waar graad drei Daag schpeeder, am
eenundreissichschde Matz, der oschdersunndaag. Leit hen gsaat ass die Oschdere
"frieh" kumme sin.
Des Yaahr iss's Friehyaahr am zwansichschde Matz kumme. Awwer
desmol waar Vollmond's aerscht net bis geschder, der sechzehede Abrill,
beinaah en gans Munet schpeeder. Neegscht Sunndaag watt dann drei Daage
schpeeder kumme, nadierlich am zwansichschde. Mer kennt saage ass der Yaahr
die Oschder "schpeet" aafange.
Ya, 's iss gewiss waahr: aerscht kummt die Sunn zerrick iwwer der
Egweeder, dann kummt en Vollmoond, un dennoh iss der neegscht Sunndaag der
Osdchdersunndaag!
Awwere heit, wie ihr liewe deitsche Leser wisse, iss
Grienerdunnerschdaag. Seid ihr geschder odder demarrige naus ins Feld un hen
eich ebbes Grienes grickt - Biddre Selaat, zum Beischpiel? Wann net, kennt ihr
you Andiffi odder Graut esse -- Glee sogaar. Sell misst ihr duh wann ihr kenn
Esel warre wott!
Un mer sett heit sei Graas mehe, dann bleibt es schee grie der gans
Summer. Un wann mer heit enwennich Hoi in der Scheierhof schmeisst, dann esse
es die Kieh un sie warrre es gans Yaahr net fett.
Un was iss marriage? Ya, 's iss der Karfreidaag. Es watt marriage
reggere-vielleicht yuscht drei Drobbe, awwer es watt sicher reggere! Un ihr
liewe Weibsleit, ihr sett am Karfreidaag net backe. Un ihr Mannsleit, ihr sett
net Gaardegraawe.
Awwer am Karfreidaag sett ihr naus in die Scheier odder ins
Hinkelhaus un die Oier sammle un sie farrewe (hoffentlich habt ihr die
Zwiwwleschaale uffgowe) Awwer ihr kennt die Oier aa in Gaduu eiwickle un sie
dann koche. Wann sie aussem heesse Wasser kumme, watt ihr sie gewiss gleiche.
Un die hattgekockde Oier sin dann gut zu esse am Oschdersunndaag.
Awwer esst sie net all. Nemmt zwee devun un duh sie in en Schublaad nei. Dann
watt der Blitz es gans Yaahr net ins Haus eischlaage!
(Un waer vun eich gude Leser drinkt immernoch "Eggnog" am Oschdermuundaag?)
Macht's gut,
Der Alt Professer
|
Dear people:
When did Spring finally come back again? Why is that so
important to know? We will see.
When was the last full moon? Why is that so important to know? We
will see.
Last year Spring started on 20 March. The next full moon was only
eight days later, on the 28 March, and the next Sunday after the full moon
was just three days later, on the 31 March, Easter Sunday. People were
saying that Easter came "early".
This year Spring came on the 20 March once again. But this time the
full moon was not until yesterday, 16 April, almost an entire month later
that last year. Next Sunday will then come three days later, Naturally on
the 20th. One could say that Easter is "late" this year.
Yes, it is certainly true: first the sun comes back over the
equator, then comes a full moon, and then the next Sunday is Easter
Sunday!
But today, as you dear PG readers know is Maundy Thursday (PG Green
Thursday). Did you go out yesterday or this morning into the fields and
get yourselves something green? -- dandelion, for example? If not, you
could eat endive or cabbage-even clover. You have to do that if you don't
want to be a donkey!
And one should mow his grass today, then it will remain nice and
green the whole summer. And if you throw a little hay into the barnyard
today, then the cows will eat it and they will not get fat the whole year
long.
And what is tomorrow? Yes, it will be Good Friday. It will rain
tomorrow-perhaps just three drops, but it will certainly rain! And you
dear ladies (women), you should not bake on Good Friday. And you gentlemen
(men), you shouldn't be digging in the garden.
But on Good Friday you should go out into the barn or the henhouse
and gather up the eggs and color them (hopefully you saved the onion
peels). But you can also wrap up the eggs in calico and then cook them.
When they come out of the hot water, you will certainly like them.
And the hard boiled eggs are then good to eat on Easter Sunday. But
don't eat all of them. Take two of them and put them into a drawer. Then
the lightning wont strike into the house for the whole year!
(And who of you good readers will drink eggnog on Easter Monday?)
Take Care,
The Old Professor
|
