PA German Dialect

Es Neinuhr Schtick

                                                                        
 
June 10, 2004

Ihr liewe Leit:

   Es waar in 1939 wann ebbes gans wichdich in Valley View bassiert iss: die Valley Citizen Press hot em Salli Holsbock seim Buch G'shbos und Arnsht gedruckt. Der Holsbock waar, wie viel vun eich liewe Leser wisst, der Harvey M. Miller (1871-1939), in Elizabethville gebore, un Eegner vun der Hawthorne Press.

   Un weil es nau der Yuni iss, der Heiraatsmunet, lese mer heit en paar Linye aus em Holsbock seim Buch:

   Deel Weibsleit sin so schlimm fer en Mann, sie nemme ken Zeit fer driwwerdenke was er iss, un bereie sich noch der Hochzich. Annere denke driwwer un heiere net. So iss es aa bei de Mannsleit. En Mann sett immer kansiddere eb er ins Feier schpring. Er sett niemols en Weibsmensch heiere mit me lange Daume. Wann er dutt, kann er druff zeehle immer unnich ihre Daume sei.

   Er sett aa niemils en Meedel heiere ass immer gewinscht hot sie waer en Bu, fer soddiche welle immer die Hosse waere.

   Es aerscht Weibsmensch iss graad noch em Mann kumme, un sie sin em noch immer zidder. Alsemol muss sie reie noch de Hochzich, awwer 's iss ken Schand wann sie en Mischteek macht im Heiere - schier alle Weibsmensch dutt.

   Ya, 's kennt sei ass die yunge Leit als reie misse, ass sie gheiert hen, awwer mannichmol geht alles wie gschmiert. Do iss was der Holsbock vun seim silwerne Hochzichdrepp gschriwwe hot:

   Die Palli hot druff insist wie mer fimfunzwansich Yaahr gheiert waare, mer sedde en silverne Hochzichdripp nemme. Ich bin's nau so gewehnt ass wannewer sie en Bill vor's Haus bringt, dann watt's bletlich gratified. Un so sin mer dann fatt ufff die silwerne Hochzichdripp.

   Wie mer vier Daag vun Heem waare, hott die Palli aafange bleech gucke un hot nimmi viel gschwetzt. Wann sie en Kalb erblickt hot im Feld, hot sie glei ihre chnuppduch raus un die Aage gebutzt un gewinscht sie kennt der Tschecky widder sehne.

   Es waar bleen genunk ass sie's Heemweh hot, so wawwich endlich gsaat mer deede besser unser Hochzichdripp zum End bringe. Vun datt eweck waar sie widder wusslich. Un's waar yuscht verdollt neegscht ass ich net en Boss grickt hab.

   Es waar schur en Luscht fer unser Willkumm sehne wie mer vanne and Haus gfaahre sin. Die Haahne hen aafange greehe, un unser dreizeh Kinner hen innere Roi uff der vedderscht Bortsch gschtanne un gsunge un gedanst, gans wild mit Freeht.

   Die Musick vun de Kinner un ihre hallich Gelach, es Gsang vun Hund un Katze un Haahne, des waar wie's bescht Grand Opry ass seilebdaag gsunge waar.

   Der Alt Professer deet winsche ass all ihr gheierde Leit wennichdens en goldnichi Hochzichdripp nemme kenne!

Macht's gut,
Der Alt Professer

 
Dear people:

   It was in 1939 when something very important happened in Valley View: the Valley Citizen Press prointed Solly Hulsbuck's book G'shbos und Arnsht. Hulsbuck was, as many of you ear readers know, Harvey M. Miller (1871-1939), born in Elizabethville, and owner of the Hawthorne Press.

   And because it is now June, the marriage-month, we will read today a few lines from Hulsbuck's book:

   Some women are so terribly after a man, they don't take the time to think about what he is, and are sorry after the wedding. Others thinks about it and don't get married. So it is also with the men. A man should always think it over before he jumps into the fire. He should never marry a woman with a long thumb. If he does, he can count on always being under her thumb.

   He should also never marry a girl who wished she was a boy, because such girls always want to wear the pants.

   The first women came right after the man, and they are still after him since then. Sometimes she muse rue what she did after the wedding, but it is no disgrace when she makes a mistake in marrying - almost every woman does.

 
Yes, it could be that young people must rue their marriage, but sometimes everything goes 'as if well-greased". Here is what Hulsbuck wrote about his silver anniversary trip:

  
   Polly insisted, when we were married for 25 years, that we should take a silver anniversary trip. I am so used to it now that whenever she brings up a "bill" before the "House," it is suddenly "passed." And so we then went off on the silver anniversary trip.


   When we were gone form home for four days, Polly began to look pale and didn't talk very much anymore. When she saw a calf in the fields, she immediately took out her handkerchief and wiped her eyes and wished that she could see Jacky again.

   It was enough that she was homesick, so I finally said that we should better bring our trip to and end. From that point on she was again lively. And it was doggone close that I nearly got a kiss.


   It surely was a joy to see our welcome when we drove up in front of the house. The roosters began to crow, and our 13 children stood in a row on the porch front and sang and danced, wild with joy.
 


   The music of the children and their glorious laughter, the singing of the dog and cats and roosters, that was like the best Grand Opry that was ever sung.

   The Old Professor would like to wish that all of you married people can at the very least take a golden anniversary trip!

Take care,
The Old Professor

Click here to go to PA German Dialect archive page.

Home  |  PA German Culture  |  Current News  |  PA German Dialect
Links of Interest  |  Membership  |  Publications  |  Order Form

The Pennsylvania German Society
Located in the Zimmerman Cabin

at the Pennsylvania German Cultural Heritage Center

22 Luckenbill Road

Ephrata, PA 19522

 

Our mailing address is:

The Pennsylvania German Society

P.O. Box 118
Ephrata, PA 19522
(484) 646-4227
Fax: (484) 646-4228
E-mail:
pgs@kutztown.edu

© Copyright 2005. The Pennsylvania German Society
Site design and hosting by Reading Eagle Company Internet Services

updated 3-15-2007 paf